کراچی میں آئیڈیاز2018 کا دوسرا روز،آرمی چیف کی کانفرنس میں شرکت متوقع

کراچی ایکسپو سینٹر میں دفاعی نمائش ایکسپو 2018 میں آج دوسرے روز دو کانفرنسز کا انعقاد کیا جائے گا جس میں آرمی چیف جنرل قمرجاوید باجوہ کی آمد بھی متوقع ہے۔

 آئیڈیاز 2018 میں ہونے والی کانفرنس میں خطےمیں امن کی بحالی کیلیےافواج پاکستان کےکردار پر بات کی جائے گی۔ دوسری کانفرنس پاک بحریہ کی جانب سےمنعقد کی جائےگی۔کانفرنس میری ٹائم سیکیورٹی مسائل پرمنعقد کی جائےگی۔ کانفرنسز کے علاوہ دفاعی نمائش بھی جاری ہے۔ آئیڈیاز میں شرکت کےلیے بیرونِ ملک سے آئے مندوبین کےاعزاز میں موہاٹا پیلس میں گذشتہ رات تقریب کا انعقاد کیا گیا۔ شریک مندوبین کوعشائیہ دیا گیا۔
اس تقریب کا آغاز قومی ترانے سے ہوئے۔عشائیہ وزیراعلیٰ سندھ مرادعلی شاہ کی جانب سے دیا گیا تھا جس میں گورنرسندھ، کیبنٹ ممبران،کورکمانڈرکراچی اور دیگر شریک ہوئے۔وزیرِاعلیٰ سندھ نے غیر ملکی مندوبین کو پاکستان آمد پرخوش آمدید بھی کہا

اس سے قبل دفاعی نمائش 2018 کا کراچی میں آغاز ہوا۔ افتتاحی تقریب کے مہمانِ خصوصی صدر مملکت عارف علوی تھے۔ آئیڈیاز میں روس ،چین اورترکی سمیت 50 ممالک سے زائد وفود شرکت کررہے ہیں۔ افتتاحی تقریب سے خطاب میں صدر عارف علوی نے کہا کہ ہمارے ہتھیار دفاع کیلئے ہیں، خطے کی سلامتی امن وامان میں ہے۔