اسکول وین ٹرین کی زد میں آگئی، متعدد بچے زخم

نارووال: صوبہ پنجاب کے شہر نارووال میں پھاٹک عبور کرتے ہوئے اسکول وین ٹرین کی زد میں آگئی جس سے متعدد بچے زخمی ہوگئے۔ 

تفصیلات کے واقعہ تیجو والی اسٹیشن کے قریب پیش آیا جس میں پھاٹک عبور کرتے ہوئے اسکول وین لاثانی ایکسپریس کی زد میں آگئی۔ ریسکیو ذرائع کے مطابق حادثے میں متعدد بچے زخمی ہوئے ہیں جنہیں فوری طور پر اسپتال منتقل کر دیا گیا ہے۔ زخمی بچوں میں سے ایک کی حالت تشویشناک ہے۔ 

پاکستان دنیا میں گدھوں کی تعداد کے حوالے سے تیسرا بڑا ملک بن گیا ہے

 خیال رہے کہ صرف 2 ماہ قبل ہی سرگودھا میں تیز رفتار بس اور اسکول وین میں تصادم کے نتیجے میں 5 طالبات اور وین ڈرائیور سمیت 7 افراد جاں بحق ہوگئے تھے۔ پولیس کا کہنا تھا کہ حادثہ تیز رفتاری کے باعث پییش آیا، حادثہ اس قدر شدید تھا کہ متعدد طالبات کو وین کاٹ کر نکالنا پڑا۔ حادثے کے بعد مشتعل افراد نے بس کو آگ لگا دی تاہم بس ڈرائیور موقع سے فرار ہونے میں کامیاب رہا۔